33ème COMMUNAUTE EVANGELIQUE REGION SANKURU

33ème C.E.R.S

B.P. 1673 KANANGA

"Sur ce roc je bâtirai mon assemblée,..." Matthieu 16v18

Les éléments de menu en rouge contiennent des informations récemment mises à jour.

Kya tushinkamisha atwe kakongye ka Fumu

 1. Mukanda w’Eyi dy’Efile-Mukulu (Ebuku) :

Atushikamisha’shi Ebuku nyi eyendo Eyi dy’Efile-Mukulu, naashi bifundwe byoso mbiyokyelwe n’Efile-Mukulu, na mbipwandjikiile kulambukisha, bwa kukookyesha, bwa kulumbuula bilubilo, bwa kuyiyisha mu kululama (2 Timote 3:16). Tatukumiina wungi Fumu sunga umune bwa eshinda dyetu, na bwa kulongyeshibwa kwetu mu biintu by’Efile-Mukulu.

 2. Mukanda sunga Mukandu wi buwa w’Efile-Mukulu.

Atushikamisha shi booso abakumiina mukandu wi buwa w’Efile-Mukulu pabitale mwan’aye, Yesu Kilisto Fumwetu :

  1.  a) Batandjibwe dya kabidi, na beena muwa mu Kilisto (Yoano 1 : 11-12 ; 1 Mpyele
       1 :23 ; 2 Bena Kolente 5 :17).
  2.  b) Beena Kikudi-E-Selele ky’Efile-Mukulu (2 Bena Kolente 1 :22 ; Bena Efeso
       1 :13-14 ; Loomo 8 : 9).
  3.  c) Ngi beena mbidi ya Kilisto (1 Bena Kolente 12 :13).

 3. Atwi bwunga mwishina dya Fumu Yesu Kilisto

Atwi bwunga mwishina dya Fumu Yesu Kilisto, bu byatudi beena mbidi ya Kilisto yikale Kakongye kaayke « Aye nyi Fumu a mbidi, akakongye » Bena Kolose 1 :18. Fumu Yesu akulaa’shi : « Kwakwa kwi babidi suunga basatu bebungye mwishina dyande, ami ne munkatshi [mwaabo] » (Mateo 18 : 20).

 4. Tatukumiina Eshina dya Kipwilo nya.

Mw’Eyi dy’Efile-Mukulu, atubadikaa’shi kwi Kakongye anka kamune « kakongye k’Efile-Mukulu atala » (1 Timote 3 :15, Mikitshino 15 : 9). Pa byabya, tatukumiina kwiwukika bu bena Kipwilo kikampanda nya, sunga bu bena kasaka kampanda nya (1 Bena Kolente 3 :3-11). Anka twina muloo wa kwikala bawukiibwe bu (Balangwidi) bisumanga, Mikitshino 11 : 26 ; Sunga bu (Balangwidi)(Mikitshino 9 : 30).

 5. Takwi kilumbulwilo kya Bipwilo nya.

Tatwi Bakatshwunga babatshishibwe sunga ba tshite-mwakwidi bakata nya. Tatwina (Kadimbo kakata nya) Atushinkamisha mu lubatshisho lwa ba langwidi booso bu abyakula bifundwe : (Anwe banabeene namu bu mabwe ena muwa, bu balambukishibwe mu shibo ya kishila, mulambu wa kishila bwa kulambula mifubo ya kikudi, Abisangasha Efile-Mukulu kukiila mwi Yesu Kilisto (1 Mpyele 2 : 5).

 6. Kakongye (Kipwilo) kya pano peetu.

Atupwandjikisha shi, Kakongye ka paano kabadya kwikala bu (Kileshesho) Kipwilo kyoso kishima ; Beena kipwilo bakiimbe bwa kutumikila pamune, (Nwikitshishe bwa kulama bu wumune bwa kikudi mu kwanyibwa kwa kufukama (Bena Efeso 4 :3).

Kilisto, bu Fumu a mbidi apa bya buntu kwi kipwilo kyaye, bu mwambi, katshwunga, Tshite-mwakwidi, balongyeshi bakata. « Wumune na wumune akwatudi ntumbo ngi mupeebwe muyile kipimino kya buntu kya Kilisto ... bwa kwibaka mbidi ya Kilisto » (Bena Efeso 4 : 7, 12b).

Kakongye sunga kipwilo kya pano ta kina baantu bu ba fumu, anka kipwilo kyoso kiina baantu abalondolola bintu bya mu Kikudi ky’Efile-Mukulu, babetanyina bu bantu ba mukikudi beena bya buntu bilekeene na abe kwashena mubo banabeene mashito akufubila mukata (Fumu) mu kakongye sunga mbulambukishi bwa kunemekibwa.

 7. Meesa a Fumu

Atumono mwibuku’shi mumafuku aba tumiibwe,balangwidi babe bunganga pamune bwa tshiba Mukate efuku dyoso dya kumpala dya lubiingo dikale dya lubingo sunga bu efuku dya Fumu (Mikitshino 20 : 7), Anka kebungilo ke peenda bwa kutentekyesha (Luuka 22 :14-20), 1 Bena Kolente 11 :23 -29, kino kibungilo kikambe bu kibungilo kya ntumbo.

Patwibunga bwa kubaala Mukate, mukwetu mulume umune sha mwikeelo wi buwa ku bakwetu balume ebya kukunkusha beena Kakongye mu milambu yaabo ya kutumbula kukiila mwi Fumwetu Yesu Kilisto na kwi’Efile-Mukulu nabeena shetu

Wungi mukwetu mulombeene kwi bakunkusha mu ntumbo yaalo kukiila ku Kikudi-E-Selele.(Kikudi-E-Selele ngi mukunkushi na mukata a Kikongeeno).

Mukwetu mulume wungi mulobeene ku tuma musaambo wa kuyimba bantu booso sunga mulombeene kubadika kipiindji kya mwibuku sunganyi kutumbula Efile-Mukulu bwa Mukate na Kipulu kumpala kwa kutshibuula biina mwanda.

Bana bakashi tabatwela mu kukunkusha bikongeno nya, mukulonda miya ya Fumu : « Bakashi beenu bawumiine mu tukongye ku mwanda tambikumbene bwa badya kwakula » (1 Bena Kolente 14 :34), Talanyi Kipindji 37.

Bintu bya nenufundjila nyi miiya ya Mwanana, bana bakashi abeshikaa ku mutwe mu bibungilo bya tukoongye, muyile ndambukisho ya Mwanana mu 1 Kolente 11 : 3,13.

Atukumiina kuloonda, mwikeelo wa balangwidi mu Mikitshino 2 : 42 « Na babaadi bashimatshiile mu lulambukiisho, na mu buwumune bwa batumibwe, mu kutshokola kwa mukate na nteko ».

Muyile kufunda kwa : « Adapté en partie d'un traité par R.K. Campbell »

Mbebyalule mu kisongye kwi bakwenu mu Kilisto bano :

Arthur ASSANI, Ivon KILUBA, Matthieu KASHESHA, Esther KIMANKINDA, Jenka Nkamani, Tharcisse KIBAMBE.

145, Avenue du commerce, quartier Tshinsambi, commune de Kananga (Kasaï-Central, RD Congo)

Notre Site Web copyright© cers. Tous droit réservés.