33ème COMMUNAUTE EVANGELIQUE REGION SANKURU

33ème C.E.R.S

B.P. 1673 KANANGA

"Sur ce roc je bâtirai mon assemblée,..." Matthieu 16v18

Les éléments de menu en rouge contiennent des informations récemment mises à jour.

Wikale ne Bukole

“Nuikale ne bukole, ne mitshima yenu ikale ne dikima, nuenu bonso badi bindila Yehowa!”. (Musambu 31:24).

“Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi bualu bua yeye udi lupandu luanyi ne Nzambi wanyi”. (Musambu 42:11).

Nzambi udi utulubulula

Misangu mikuabo tudi tunvua butekete buetu palua matata. Tudi tulubakana munda muetu. Kadi tutangilatangile mulu, tuye kumpala mu ditabuja. Petelo wakafundila bena kuitabuja ba kale, bakadi bakengi, bualu bua dinanga dia Nzambi bua bantu bende, wakafunda ne, “Nuteke ntatu yenu yonso kudiye, bualu bua yeye udi unulubulula … ne Nzambi wa ngasa yonso, wakanubikila mu butumbi buende bua tshiendelele bua mu Kilisto, panuakamana kukenga musangu muipi, yeye muine neanua-kaje tshishiki, neanujadike, neanukoleshe”. (1 Petelo 5:7-10).

“Nudikoleshe mu Mukelenge ne mu bukole buende bunene”. (Efeso 6:10).

Butudi nabu mbua kubala, anyi kunvua, Mukanda wa Nzambi bua kukola mu ditabuja ne mu bukole bua nyuma. Mukelenge Yesu wakambila bayidi bende ne, “Meyi anakunuambila adi nyuma ne muoyo”. (Yone 6:63).

Yone wakafunda ne: “Bansongalume nakunufundila mukanda, bualu bua nudi bakole, ne bualu bua diyi dia Nzambi didi dikale munda muenu, ne bualu bua nuakupita mubi bukole”. (1 Yone 2:14).

Satana, muntu mubi, udi muena lukuna wetu, udi ubikidibue ne, “Mukokeshi wa buloba ebu”. (Yone 16:11). Kadi Mukelenge Yesu waka-mana kumupita bukole. (Tangila Ebelu 2:14,15). “Ku ndekelu, nudikoleshe mu Mukelenge ne mu bukole buende bunene. Luatayi bintu bionso bia mvita bia Nzambi, bua nuenu numanye mua kuimana bakandamana kumpala kua mateyi a diabolo”. (Efeso 6:10,11).

“Nutabale, nutantamane mu ditabuja,

nuikale balume mene,

nukuatshibue bikole”.

(1 Kolinto 16:13).

145, Avenue du commerce, quartier Tshinsambi, commune de Kananga (Kasaï-Central, RD Congo)

Notre Site Web copyright© cers. Tous droit réservés.