33ème COMMUNAUTE EVANGELIQUE REGION SANKURU

33ème C.E.R.S

B.P. 1673 KANANGA

"Sur ce roc je bâtirai mon assemblée,..." Matthieu 16v18

Les éléments de menu en rouge contiennent des informations récemment mises à jour.

Lelo Efile-Mukulu Akula

Mushindo kini wakula ?
Mu ino senga mwa tupusha mayi ebungi etupisheene na elekeene, owukushi Efile-Mukulu akula namu su ? Mayi aaye, atwi apete mu Esambi, eshina adilesha’shi « mukanda » ; tanka penda bu mukata ukata mukatshi a ingi mikanda nya, anka ngumune, w’eyendo, n’eyi dy’Efele-Mukulu.
Kilongyelo kitoshe patooka mu myanda ibungi, uno mukanda bupeka bwawo awutosha mu myanda ya kalolo sunga shalelo na kutusha mandamuna mu myanda ikata ayiyiipusha muntu, bwakini muwa ? Bwakini kwi lufu ? A kini akikeekala kunyima abino byoso ?
Kunundu kwa yino nangunangu, na kwa myele yoso ; Esambi bupeka dina bukitshi na matalwa, mwanda mu uno mukanda nyi Efile-Mukulu akula kwi bantu. « Efile-Mukulu…baakula kwatudi mu mwana… »
« Ngi pa wawa abitungu tulame pe poo byabya bintu bibatupushiishe. »
« Dimukayi tanupelanga yawa kwete kwakula … » (Bena Ebeleo 1:2; 2:1; 12:25).

Bwa kini akula ?
Binyibinyi mwanda aye nyi Efile-Mukulu nashii kinangu kya bu muntu taki bya kwibwa na kwadi pa kwela kwameeshi, Efile-Mukulu tebya kwuwukibwa kwi muntu, kushi bu mu kipaso kyefubula mwadi.

Nani alungula ?
Kushinkamisha, n’obe n’ami ! be bu bantu boso, balwishi. Tutompe kubuula mukanda wi selele. Atukamone bi kwakula kwaye kwi katongotongo, kupushikye na kutusha patooka byabya byatukyebe kufyamiha, anka buuntu na kusambibwa kwaye bwi kwaka su tubeyisha na kwata balo yetu kumpala Efile-Mukulu. Eyi dy’Efile-Mukulu di bu kitootwa akitanya lubwebwe (Yelemiya 23:29) Anka eshimba dya muntu di bukopo !
« Mwanda eyi dy’Efile-Mukulu aditala, na dina bukitshishi, na aditubulaa kukila lupete lwi maashi kubidi, adyuku kutwela mpaa na mukulamuna kwa muwa na kikudi, kulamuna biningwa na myoomo ; adishingula binangu na mitentekyesho y’eshimba. Na takwi kipangwa suunga nkimune kifyame kumpala kwaye nya, anka bintu byoso bi muswa na bi mwasa ku meeso kwa yawa atudi naye mwanda ». (Bena Ebeleo 4:12,13) Efile-Mukulu akuwuku, en’obe kifulo, akukimbi, akulungu mukiila ku uno mukanda. Kubadika esambi, nkupusha Efile-Mukulu byakula.

Akini kyakyebe kukulungula ?
Atumulekyela eyi dya kwakula : « Elumbule bwa kufumakana n’Efile-Mukulu obe » Amose 4:12. « Nanka bu byabidi bilumbulwile bantu bwabadya kufwa mususa umune, na kunyima kwa paapa kukafikye kiimu » (Bena Ebeleo 9:27).
« Mwanda Efile-Mukulu bakishekishe kifulo kwi ba pa senga, bebapeele mwana’ ye‘eleka’ shi oso yawa akumiina mwadi takashimina, anka ekala na muwa wa yikalayika » (Yoano 3:16).
« Dino eyi ndyeyendo na ndilombene kutambudibwa’shi Kilisto Yesu bafikile pa senga pa mwanda wa kupaasha balwiishi, byandi’mi akwibedi » 1 Timote 1:15).
« …mase a Yesu mwana ’aye, a etusula ku milwisho yoso » 1 Yoano 1:7.
« Ngi pa mwanda kini bu abyakula Kikudi-E-Selele ’shi : Leelo uno, su nubapusha eyi dyaye, tanukoposhanga mashimba enu … » (Bena Ebeleo 3:7).

Onukumiina kuwuka bibungi mwi esambi na ku mukandu waye wibuwa su ?
Tala kisaka kya bapalakashi ba mukandu wi buwa na bafundji ba bifundwe biselele :

Groupe de la littérature chrétienne Songye sur,
L’avenue Lumumba,
Commune Kabuelabuela,
Quartier Congo III, face de la banque TMB,
Assemblée locale 33 eme CERS Kabinda centre.

http://www.33eme-cers.org

145, Avenue du commerce, quartier Tshinsambi, commune de Kananga (Kasaï-Central, RD Congo)

Notre Site Web copyright© cers. Tous droit réservés.