33ème COMMUNAUTE EVANGELIQUE REGION SANKURU

33ème C.E.R.S

B.P. 1673 KANANGA

"Sur ce roc je bâtirai mon assemblée,..." Matthieu 16v18

Les éléments de menu en rouge contiennent des informations récemment mises à jour.

Lama mbeka Bible 1

Tumba tusatu teko dia mbeka Bible:

- Yimba ya ntundu eli MBALA aui tshe l'ekondo wakafundi Amvutshi. l Tesalonika 5: 19-22.

- Yimba ya hendi eli MANA Afundelu fundu. One eli tshina dia Mbetawo k’asik’asonyi (les protestants) ne dia vo nangaka untu l'untu ali ndame amane fundu.

- Yimba ya satu eli NYANGIAYANGA l'Afundelu w’Ekila la nimbite kene keli lu divesa la divesa. (Etsha 17:11).

Ku dia mbeka mukand'one wa wuki dieli l'umbeki tshe dia ndjela tumba tone tusatu.

Totukenda utundu wa Bible.

Bible k'Ekila eko la kumbu nkina l'oteket'asu :

  1. - Mukand'a Nzambi.
  2. - Efundelu k'uma le Nzambi.
  3. - Diui dia Nzambi.
  4. - Elembe l'Amvutshi.
  5. - Mose l’Amvutshi.

Ku Mukand'one wa Nzambi akafundama uma le antu uku 35, kuku vo tawaki lu dihuli otoi. Osoku Nzambi akawasha Nyuma kandi dia nfunda aui tshe weli loko. Tendi aui anei dia nimbitela shati, Nyuma akatundja antu ane aui w'uma l'utema wa Nzambi.

- Yimba ya Mukand'one : Antu w'anyanya kundjala la yimba ya nfunda aui ane, paka uma lu yimba ya Nzambi.

- Kame ka Mukand’one : Afundji ane tawakiko lu dihuli otoi kana lolonga otoi, keli aui awo la wetshelu awo weko paka otoi. Ne dia umbetsha aki otoi, eli Nyuma. 2 Petero l: 21.

- Diesa dia Mukand'one : Tundulaka etema w’antu ndu menyaka antu PANDA. Heberu 4:12.

- Sambu dia Mukand'one : Vo weli lu nsamba (kimanya) asika Kristu l'asui awo. Osoku aui ane ntenyaka ati Mukanda wa Nzambi eli lu menya untu tshe MBUKA.

Bible k'Ekila eli la mikanda 66 wetawosu ndu weyama lu andja tshe. Ku lu mikanda 66 tambekahanya lu beke pendi dia waki :

  1. - Daka di'Edjedja mikanda 39
  2. - Daka di'Uyuyu mikanda 27

Ku lu mikanda 39 weli lu Daka di'Edjedia tambekahanya lu beke nei (4):

  1. - Mikanda wa Mose 5 : Etatelu -Euhwelu k'Elembe.
  2. - Mikanda w'asi Isariele 12 : Jashua Esta.- Efundelu k'uma le Nzambi.
  3. - Mikanda w'Esambu 5 : Jobo Limbu la Solomona.
  4. - Mikanda w'Amvutshi 17 : Isaya Malaki.

On'eli uku atanasu lu Daka di'Edjedja.

Daka di'Uyuyu keli la mikanda 27 ku tambekahanya ntu lu beke tanu (5):

  1. - Mikanda wa Kumu y'ololo 4 : Mateu - Joani.
  2. - Mukanda w'Etsha w'Apostolo 1 : paka Etsha.
  3. - Mikanda wa Paulu 13 : Romo - Heberu.
  4. - Mikanda w'atumami akina 8: Jakobo - Jude.
  5. - Mukanda wa Enyelo 1: paka Enyelo.

On'eli uku ambutukahanya Daka di’Uyuyu lu beke diandi, ku shu nangaka mbeka mukanda la mukanda lu hyembula, ndu ufundji wa mukanda, ndu ukundi akandafundi mukanda, ndu akafundela untu akona kana wa na; ku la ntundu ka shu mbeka aui weli lu mukanda la mukanda, osa Bible kaye enda tshapita la vesa yakutumawo dia menda kana eli mete kana na, we ayushihudia Bible ololo, tuheki dikambu ne.

145, Avenue du commerce, quartier Tshinsambi, commune de Kananga (Kasaï-Central, RD Congo)

Notre Site Web copyright© cers. Tous droit réservés.