Mayi A Kukankamika

Naani akampososha ?

Ami muntu a bishootshi, naani akampososha ku yino mbidi ya lufu ? Natumbula Efile-Mukulu mu Yesu Kilisto fumwetu. Byabya namu ami nabeene, mu mpushiisho ni nkwete kufubila mwiya w’Efile-Mukulu ; anka ku mbidi, nafubila mwiya wa bubi.

Byabya binobino, takwi tupishiibwa suunga kupeela kwi baaba be mu Yesu Kilisto ; (Looma 7:25; 8:1).

Anka Efile-Mukulu bashinkamisha kifulo kyaye, nabeene kwatudi, kwamba’shi ; pabatudi tukii balwishi, Kilisto bafwile pamwanda weetu.

Nka byabya, basemwine kukumba kwetu, asemuna masungu eetu, na twa mumona’shi munyokwe, mukupilwe kwi Efile-Mukulu, na mufwibwe buufu. Anka batapilwe malonda pa mwanda wa milwisho yeetu, mufingwe ku mwanda wa bilubilo byetu ; kumweshibwa kubetupa kufukama, kubapoone paadi, na ku malanda aaye, tubapashibwa (Looma 5:8 ; Yesaya 53:4,5).

Pokalobela sungwa kukutwa

Su twakula’shi, tatwina bubi, atulubu atwe banabeene, n’eyendo tadi munda mwetu. Su atu sokola milwisho yeetu, aye mululame na ena kishina mwanda wa kwitulekyela milwisho yeetu na kwitu suula ku bubi booso (1 Yoano 1:8-9).

Anka bi mawulu kunundu a senga ngi bi kifulo kyaye mbukata kwi booso abamutshini, nka bi akutunduka nguba kwibula na akuponaa nguba, ngi byetu kumbilaa kuluba kwetu, bu binambutwile ena kifulo kwi baana baaye, Ayikalayika ena kifulo kwi aba mutshini mwanda awuku bibetupangile nakyo , atentekyesha’shi twi lufufi (Loono 103:11-14).

Poodi otompibwa

Takwi kutompiibwa kwinufikile kushii kutompiibwa kwa mu lutshi lwa muntu, n’Efile-Mukulu ena kulamata, sha kumiina’shi nutompiibwe bikile byanushaa koobesha, anka na kitompwanga, akenu tobwela kashinda, kukyeba’shi noobesha kyanka.

Ku bupyani busha bunyanga, bushii mako ,bushii abunyatshila, bulamibwe mu mawulu pa mwanda wetu, mu kyanka anusepeela pa kwikala na kyongwa bino bino pa mwanda wa kapindji kapeela mu mitompwanga yilekenelekeene, su byabya bibuwa, mwanda kutompibwa kwa lukumiino lwenu, kubakidi muulo ukata kukila oolo ayilwila anka payitompibwa ku kaalo, isanganiibwe yalubukye ya kukaanya, ya ntumbo na kineemo mu kufika kwa Yesu Kilisto. (1 Bena Kolento 10:13; 1 Mpyele 1:4-7). Sha mwabi ngyawa akankamana mu kutompiibwa ; mwanda muleshiibwe mulamate mu kutompibwa, akatambula kilongo kya muwa kibalayile kwi baba aba mufulu kifulo (Shake 1:12).

Kwifuku dya kyongwa, na kimbi Mwanana (Loono 77:3)

Ayikalayika ni nkifyamino kya mwina mpombo, kifyamino ku kipindji kya byongwa.

Baaba abawuku eshina dyobe, abelubula m’oodi, mwanda tolekyela baaba aba kukimbi ; oo Ayikalayika ! Mwanda atentekyesha be mu malwa ; tayilwa kudila kwabo ( Loomo 9:10,12).

Efile-Mukulu nabeene bambile’shi : Ntanankulekye’mi na nta nka kusumbusheena nya, bwashi paatwe kwikala na lukulupilo lushalame twembe’shi : mwanana ni mukwashi ande na tankatshini kintu nya muntu namu byankitshi kini ? ( Loomo 9:10,12)

Efile-Mukulu nabeene bambile'shi : ntanankulekye’mi na nta nka kusumbsheena nya, bwashi  ; paatwe kwikala na lukulupilo lushalame, twambe’shi : Mwanana ni mukwashi ande na tankatshini kintu nya, muntu namu byankitshi kini ? (Bena Ebeleo 13:5-6).

Tabapaana bimusodya bitano ku muulo wa fwalanga ibidi su ? Takwi suunga kimune kya ku byanka kiilwa nkanwe kwi Efile-Mukulu. Anka suunga nyene ya ku mitwe yeenu ngi badikibwe yoso. Byabya tanutshinanga, nwina muulo ukile bimusodya bibungi (Luuka 12:6-7).

Pokekala na lukalo lwa kulombodiibwa

Elubule kwi Ayikalayika n’eshimba dyobe dishima, na tokulupilanga ku bukalabwino boobe ; mu shigwule mu mashinda obe osoo ; na aka longamisha mashinda obe. Tweleshanga bu sha bukalabwino mu obe nabeene. Tshina Ayikalayika, na suuka bubi. Byabya okatambuka na lwishinko mu eshinda dyobe, na mukoolo obe tawuka kokola nya. Na pokalala tokekala na moo, na pokekala mu tulo, tulo toobe etukekala tutaala (Nkindji 3:5-7,23-24).

Apakekala mbidi yoobe kubofula

Anka m’oodi obe ngi mwandji mwilubule, oo Ayikalayika, n’amba shi : w’Efile-Mukulu ande ! Ngikashi yande yi mwiyasa dyobe. Bopusha eyi dya kwiyambiila kwande, panankwele musaase (Loono 31:15,16,23).

Fumu Yesu bakwile bino’shi : buntu bwande mbukulombeene, mwanda bukome bwande abulombana mu kubofola. Na talaayi, ami nee nenu mafuku oso (2 Bena Kolente 12:9 ; Mateo 28:20).

Efile-Mukulu…. asamba bafudiile sunga (abakyengye)
(2 Bena Kolente 7:6)

Mbwakini okyengyesha, kikudi kyande na osana munda mwande ? Kulupila mwi’Efile-Mukulu mwanda na kamusamuna dingi, aye nkipandjilo kyande na Efile-Mukulu ande. Mwanda ena kulamata, aka kukankamika na nkukalwila kwi mubi (Loono 42:12 ; 2 Bena Tesalonika 3:3).

Mwanana taadi peepi

Ikalaayi na muloo misuusa yooso mu Fumu, nakula dingi ni’shi Ikalayi na muulo. Kusepeela kwenu kuwukibwe kwi bantu booso ; Fumu taadi peepi ; Tanwikalanga na lukalakashi lwa kintu suunga nkimune, anka mu bintu byoso tuulaayi nkalo yeenu kwi Efile-Mukulu mu nteko na kwiyambiila na lutumbu ; na kufukama ku’Efile-Mukulu, kwakwa kukile kinangu kyoso, akukalama mashimba enu na nangunangu yeenu mu Kilisto Yesu (Bena Fidipi 4:4-7).

ANO MAYI NGAFUNDWE KWI MWAMBI JEAN NA NGALULWE MU KISONGYE KWI BAKWENU MU KILISTO YESU BANO : Arthur ASSANI, Ivon KILUBA, Matthieu KASHESHA, JENKA NKAMANI, Esther KIMANKINDA