Les éléments de menu en rouge contiennent des informations récemment mises à jour.
Coronavirus udi tshisumbu tshia tuishi tumanya kudi bidimu bia bungi, tuakadi tutuala masama abungi kudi nyama ne kudi nyunyu. Mushindu waku mupiamupia utudi tuluisha mpindieu kakabulukila muntu bua musangu wa kumpala mu musoko wa Wuhan ku ditunga dia Chine ku ndekedi kua tshidimu tshia 2019. Pa nanku, disama edi didi tshiena bualu tshinene mu bikandakanda ne mu bibejibeji. Mu ngondo mushale ewu (Fevrier), ndongoluelu wa bukole bua mubidi mu buloba bujima wa kidika disama edi dina dia Covid-19, kua mbingu itanu pashishe, bajadika disama edi ne tshipupu, disama ndia buloba bujima. Ba mfumu, milopo ne bakokeshi ba matunga, ba kukanga mikalu ya matunga abu, Nzubu ya dipanyina dia bintu ne tulasa ; ku kandikabo masambakanyi. Baka tuenzeja ne kukepesha budikadidi bua kuandekana kuetu, bivua kabiyiku mu tshikondo tshia ditalala. Nudi nuela menji ne bioso ebi bidi muakuikala bu manunganyi adi kaayi ne mushinga ; ne mikenji ewi idi mitamba bukole anyi ne milue kunyima anyi kabidi ne lulengu (lujoko). Binusankisha anyi kabiyi bi nusankisha, kadi numanye ne buloba bujima budi mu diluishakaja disama edi dia Tshikankala (coronavirus) nudi bienu nuamba munyi bua disama edi ? Nudi bakuathike buowa anyi ba bungame?
Ditabuja dienu mu Nzambi didi dinukolesha mu tshikondo etshi tshia tshipupu tshia buloba bujima anyi ?
Imue misangu mu tshikondo tshitudi mua kuangata bidi bikengela kuangata lupolo bua kuelangana menji pa tshid Diyi dia Nzambi diamba mu bikondo bidi malu mabi bu nunku avulangana.
Nzambi wa kafuka buloba mu diumvua ngana diabu, mivua, idi mua kunyanga bia pa madimi, ne mu bia kudia bietu, butekete bua mukaji muledi budi mua kuambulukila muan'andi ; bisumbu bia bantu ke bidi bileja nsombelu mulenga wabu.
Nuenu ne meme tudi mua kuikala dibenesha (diakalenga) anyi dikasa dibi kudi aba badi mu nyunguluilu wetu.
Disama ki mbualu bupiabupia to ; nansha bukole buadi bua kutampakana kudi muntu ne mukuabu to. Kudi bidimu binunu bisatu ne tshitupa bimane kupita, Nzambi wa kapesha Mose mikenji pa mushindu wa ku kuba tshisamba tshia Isalele ku bipupu bia masama a tshiambu. Mukelenge Yesu ne bapostolo, Paulo ne Yone bakakoka ntema yetu pa mishindu mishilangane ya tuishi (virus) ne bakatusaka bua tutambe ku biangata ne mushinga.
Ndi nnusengelela bua kuangata ne mushinga bitupa ebi muanda mutekete bia kutumikila :
1. Mose : « Nuikale ne budimu, malu mabi adi avulangana » mu shapita wa 13 ne 14 ya Lewitike, tudi tupeta patoke mikenji ya mushindu wa kuepuka ditampakana dia disama dia nsudi ne masa makuabu mu bena Iselele. Muena Isalele yonso uvua ne tshia kuikala mutabalela ne mu dimuke ku mikenji eyi. Bu muakadi bu tshisamba tshisungula dia Nzambi ne, Nzambi yeye nkayende muikale Mukubi wabu (Misambu 91 ; Ekesode 15:26). Kadi yeye kakadi ubasungilamusangu umue (anyi lukasa) ku masama abu to. Kadi kupitshila kudi Mose, Nzambi wakafila meyi mapunga a kuenza bua kuimanyika malu mabi mu nkatshi mua tshisamba, pakadi muena Iselele umue wa diku diandi ne disama, kakadi upampakana anyi usokoma to, kadi wakadi ne tshia ku dileja kudi Muakuidi. Muakuidi wakadi ne tshia kutangila (kujoja) ne ntema tshitupa tshia mubidi tshiakadi ne disama, pavuaku kupanga kua dituishibua Muakuidi uvua ubueja pa nkayende mu nzubu muntu matuku muanda mutekete uvua ne disama anyi tshintu pankayatshi matuku muanda mutekete.
Bia tungunuka kupanga kua dituishibua, manga matuku muanda mutekete ne asakidikue bua diteka dia muntu anyi tshintu mpakayatshi.
Matuku dikumu ne anayi ne akumbane bua diteka muntu pa butshika anyi ku luseke bu mudibio lelu bua disama dia Tshikankala (coronavirus) bienzeka.
Bua matuku etu aa, kupitshila ku biamua bia dimuangalaja nabio ngumu, tua kupeta ngumu idi ituambuluisha mua kutapulula bimpe bimanyishilu bilelela pankatshi pa Tshimpumpu ne Tshikankala (Covid-19). Tudi basue kuikala batuishibue bonso. Katuena basue kushala mu ku panga kua kutuishibua.
Dipanga ku tuishibua mbuloba bufuke bua bowa. Pa tudi ne bowa (peur), tudi mu dipampakana dia mutshima, ne butekete kumpala kua Bantu ba bandibue ne kishi aka ka Covid-19. Mu ngondo wa kumpala wa 2020, Bantu ba bunyi ba mu ditunga dia Holland ba fumina ku Asie, bavua ba diunvue ba lumbuluishibue ne ba teka pa buabu (bumbusha mu bobumue ne bakuabu) mu ditunga dia Pays bas, bualu bua ditampakana dia kishi aka mu ditunga dia Chine ne buabu bobo (bena mu Holland) bavua badia mu nzubu ya bidilu ya bena mu ditunga dia Chine.
Dikalaku dia meyi ma punga a mu mukanda wa Nzambi nditu tuishishishe ne malu abidi :
Dinemeka dia mikenji mipunga ya mu mukanda wa Lewitike idi tshilejelu tshia bena Kilisto bonso lelu.
2. Mose : « Tuimane tendee nansha biobio biosha mu mutshima »
Meyi mapunga a mikenji ya Mose bua kudilama ku ditangalaja dia masama a tshiambu kuakadi kua Bantu bonso ; kupanga kua dituishibua dia dikala ne disama, bintu bivua bioshibua, ne muntu muena disama uvua mutekikue pambelu pa musoko (pa nkayende) Pavuaku ku panga kua dituishibua, bivua bikengele tshipungu tshibidi, tshia ditekibua dia pankayebe ; ku tekibua kua ku luseke kua tshitupa tshipi kuavua ne mushinga bua kujadika dibipa anyi dipanga kubipa dia muntu anyi dia tshintu ; pavua tshilamba tshibipe bavua ne tshia ku tshiosha (Lewitike 13:52) pavua luesu lua dibumba lubipe bavua ba lusunsula (Lewitike 15:12) bikale muntu mujadika ne disama, bavua ba muteka ku luseke (Lewitike 13:45) tudi tuelangana menji ne ditanda dia difuimba ma bumba ne bilamba dia mushinga mukole bivua bizajibua ne bioshibue. Diangata dia mapangadika dia kamungulu dia kadi ne mushinga mukole. Nudi mua kuelangana menji bua dikengeshibua dia umue wa mu diku uvuabo bajakile ne mmubipe ne ukandikibuabua kufikaye ku nzubu buabu. Dipangadika dia kamungulu didi muadi monso difila dikenga, kadi pamue apa didi ne mushinga bua buimpe bua nsombedi mulenga wa bantu. Ka biyi mpata amue manyoka a lufu akadi Nzambi mu tekele bantu mu dipungila dikulukulu, adi mua ku mueneka bu umue mushindu wa kuepuka ku ditampakangana dia ditampakaja dia imue ngikadilu ivua kayiyi yumvuangana ne ngikadilu muimpe wa tshisamba dia bantu ba Nzambi.
Ditekibua Ku Luseke Matuku 40
Ntshikondo tshia kadibu bateka buatu ku muelelu wa mayi pa kadibu ba bubanda ne mmbutuale masama munda muabu. Tshienzedi etshi tshia kalua tshibidilu mu tshikondo tshia tshipupu tshia tshikupi tshifike tshia mu 14e ne 15e siècle, tshia kabutula bantu bu bia pa lukama makumi asatu (30%) bia bena Europe.
Matuku makumi 40 anyi bidimu 40 bidi biambibue misangu ya bunyi mu Mukanda wa Nzambi bua kuleja tshikondo tshia diteta ne ditetshibua ; monayi bimue bilejelu bia « matuku 40 » :
Binuikala ba tuishibue ne nudi « bimpe », kadi batekibue ku butshika (ku luseke) matuku 40 kanu pampakanyi to.
Ditekibua ku butshika dia aba badi ne disama bajadika bulelela mu bule bua matuku :7,14 anyi 40 anyi a bunyi ntshinzedi dia mushinga bua kuimanyika ditampakakana dia disama.
Bidi ne mushinga bua wewe ukenge pa nkayebe bua ku dipandisha ne ku pandisha bantu ba kuabu.
3. Yesu : « Mu bukelenge bua Nzambi, bulondangane bua ku tampakaja kua bipupu bia masama kudikuikaleku kabidi »
Pakuleja patoke bulondangane bua bukelenge bua Nzambi anyi mukelenge bua mu diulu, Mukelege Yesu wakamba ne : « luevene luakangata mukashi, wa ka lusokoko mu bipikilu disatu bia bukula too ne penduluka luevene mu bukula bonso » (Luka 13:21) luevene ludi lu leja tshinyi mu mufuanu ewu ? Yesu yeye nkayende kena ufila diumvuija ku mufuanu ewu to.
Bua bamue bumvuji badi balamata ku diyi dia Nzambi badi bamba ne musabu (pate) mpa buloba anyi mu bantu ne luevene nlumu lubi.
Badi basue ku leja mudi mufuanu ewu ; mushindu udi lumu luimpe lumuangalaka biteke bitekete ne lutulu mu boloka bujima. Pamu'apa tudi mua kupeta menji a momumue, adi ambibua ne : « nudi luepu lua buloba »
Bangabadi bakula bua musabu bu buena Kilisto ne basua kuamba ne mufuanu ewu udi usua kuleja mushindu udi bubi ne dinyanguka bienda bitampakana mu moyo wa buena Kilisto.
Mu umue mushindi anyi mukuabu wa diumvuija unudi mua kuangata ; mbitokebua se dimue ditampakana dia malu adi amueneka bua bualu'ebu bidi bikengela kuikala badimuke ; nsombedi udi usaka bantu badi mu nyunguluilu wetu mua kuenza anyi kubenga kuenza malu atudi tuenza.
Nuenu ne meme tshitudi tu muangalaja ntshinyi ?
Mu dipungila dikulu kulu luevena luakadi luleja bualu buvua kabuyi buimpe to. Bena Yuda bavua balombibue bua kumbusha luevene lonso mu nzubu yabo kumpala kua kusekelela tshibilu tshia kupita kua Yepowa (Ekesode 12:15) ku luseke lukuabu Mukelenge Yesu mu dilongesha diandi waka dimuisha bayidi bandi ne : « Dimukayi bua luevene lua ba falese ne ba sedoke »
Ne wa kumvuija kabidi ne luevene elu lubi : « mayisha abu mabi » (Matayo 16 : 6, 12)
Mu Luka 12:1 ; udi utuambila ne luevene lua bafalese luvua Lubombo.
Mu Mâko 8:15 udi ufuanyikija ku « luevene lua bafalese ne lua Pelode » kadi kena umvuija to.
Bidi bu bidi bisua kumvuija ne luevene ludi kadibi bua kulejalu mayisha mabi a ntaku ; lubombo ludi bu mushindu mubi wa nsombedi wa Mukelenge pelode {bundu bua dia muna mesu (pakoke) dinyangakaja dia malu mu nsombedi wa bena yuda.} Tuetu batuangaje diumvuisha dia Mukelenge Yesu mu mufuanu wende pa bukelenge bua Nzambi, tudi mua ku komeshisha mu kuelengana kua menji ne diyisha dibi dia ntaku, lubombo ne nsobedi mibipe bidi mua ku muanagalaka bu luevene ne bikuata tshisumbu tshia bena Kilisto bonso.
Tudi tutamba kuenza bimpe patudi kuangata di dimuisha dia Mukelenge Wetu Yesu mu moyo wetu « dimukayi ; imanayi pa bishimikidi bienu katapuluke ne luevene ».
Tudi ne bua kuikala ne budimu bualu bua bubi butudi tubueja mu nzubu yetu mu mitshima yetu, ne mu Ekeleziya yetu ne butampakakane. Bubi budi butampakakana.
4. Paulo : « Ngikadilu mibi idi inyanga moyo wa tshisumbu ».
Mu mikanda mifunda, mu posotolo paulo udi utua mpanda diyisha dia Mukelenge Yesu. Muposotolo paulo udi ufunda misangu ibidi, udi ufunda ne : « Luevene lukese ludi lutuntumuna musabu onso ».
Mu 1 Kolinto 5 udi uteka mu tshienzedi budimuishi ebu paku benga ngikadilu mubipe muenza kudi muena kuitabuja munda mua Ekeleziya. Tudi bamanye bonso bioso bidi bipita mu tshisumbu, tsikondo tshidi nyikadilu ya kunyoka mi manyibue anyi kayiyi mi manyibue. Pikala bafidi ba bulongame munjila kabayi ba nyoka banyemi ba ne mashinyi mbilu mikole, anyi badi bimanyika mashinyi bibi mu njila to, bikale bibidi ba mfualanga ya bitadi, badi bangata bakaji ku bukole ne bibi bamanyike kadi kabayi baba nyoka, nsombedi mulenga neanyanguke kabingila kadi paulo ufundila mukenji eu bua Ekeleziya kadi kashindika ne muena Kilisto wa mu muena Kilisto wa tshiendenda dia masandi, ne bobo bamuanyishe munkatshi muabu. Buale ebu buvua mua kuenzeka nunkueu munyi ? Bua ngikadilu mibi kuanyishibuayi munda mua Ekeleziya, bidi bikengela kupingaja pa malu mabi aa, amue malu adi manyishibue. Bikale bamue bena kuitabuja batshidi ne lutatu bua kuitabujabu anyi kujadikabu amue malu mabi munkatshi muabu, babavuluije ne muntu kena muakane, anu Ekeleziya bumudi Mukelenge Yezu wa kidila bantu babi bonso… Kadi mupostolo Paulo udi mumane kamungulu, bua padiku Luevene « sombedi mulenga » utua nkanana : « kadi mumane kuikalanenu pamue », (nuenu ne nyuma wanyi munkatshi muenu, ne Bukole bua Mukelenge wetu Yesu Kilisto), bua kufila mu dina dia Mukelenge Yesu Kilisto, ewu wakenza bualu ebu, ndi ngamba ne nakumana kumu lumbuluisha, bua kufila muntu wa nunku mu bianza bia nsatana bua kushipesha malu a mubidi, bua nyuma wandi asungidibue mu dituku dia Mukelenge Yesu.
(1 Kolinto 5 :4-5). Paulo udi ujikija ne meyi aa ne : « Umushiayi muntu mubi au munkatshi muenu » bidi mua kumueneka mishindu ya bunyi ya kubuenza kadi bualu bumue budi bumueneka patoke :
- Bivua bikengela bua bulonbodi bua Ekeleziya wa kaba kamue akose tshilumbu. Bua kuimanyika dinyanguka dia nsobedi mulenga, ki amu baludiki nkayabu, kadi bena kuitabuja bonso babuakule. « Kadi mpindieu ndi nnufundila ne, kanubuelakanyi ne muntu udi ne dina dia muenenu wa mu Kilisto bikalaye muena masandi, anyi muene lukuka lua bintu, anyi muena mpingu, anyi mukuatshiki wa malufu, anyi munyengi wa bintu bia batu, kanudi mene ne muntu wa nunku, kanuikadi nende malanda ne kanudi mene ne muntu wanunku ».
(1 Kolinto 5:11). Bulela, bu bena Kilisto, dinanga ne ngasa bidi ne bua kuleja ngikadilu itudi ne bua kuenza malu etu, nansha patuikala tusua ku teka mu tshienzedi mudi diyi dia Nzambi edi diamba. Kadi bitua lengulula bienzedi bibi bidi bena kuitabuja benza, tshienzedi etshi netu tshitabe mu nkatshi muetu. Bia momumue, muntu udi ujadika bimanyinu bia disama dia tshikankala (Covid-19) ne bamuakidile mu lupitadi bu mubedi, ki bu umue muambuluishi, anyi bu muena mudimu wa mu lupitadi, bikalaye utua nkanana bua kuendakana tshiakala tshiakala mu lupitadi, buni kena ne disama dia tshiambu, ne bamumbushe mu lupitadi. Di mumbusha ne dimu teka dia ku butshika, didi dienzedi tshia mushinga bua ba munganga, kadi tshikale tshi sama ku moyo, kadi tshiuwule tente ne dinanga.
Tshinzedi esthi tshidi tshikuba ba kuabu badi mu lupitadi ne tshidi mua kufikisha mubedi ewu udi kayi mujadiki ne muikale ne mutu mukole bua kudi jadikilaye nkayende tshilema tshiede yeye. Bidi ne mushinga bua tumanye ne mu meyi aa tudi tumuna dishilangana dilelela mu malanda atudi nawu ne aba badi « munda » (bena kuitabuja) ne aba badi « pambelu » (badi kabayi bena kuitabuja). Nzambi ne alumbuluishe aba badi kabayi mu « Ekeleziya », Ekeleziya udi mu lombibue bua ku lumbuluisha aba badi « munda » mua Ekeleziya. (1 Kolinto 5:12- 13). Binangumvua bimpe shapita ewu, Ekeleziya ne akidile ne disanka dionso ewu udi kayi muena kuitabuja, mu mushindu yonso udiye'awu, kadi ki mbene kuitabuja bonso to. Badi kabayi bena kuitabuja badi dijinga ne moyo mupiamupia wa mu Yesu. Dianyisha, diakidila, ne dibenga kuitabusha kudi ewu muena Kilisto udi mushale mu nsombedi wende mubi ewu, udi unyanga malanda mu nsombedi mulenga wa bantu.
5. Paulo ne Yone : Bakayisha ne bakabenga mayisha mabi a ntaku
Mu Galatia 5 mupostolo Paulo udi umba bua musangu muibidi tshiambilu etshi tshia (Luevene lukesu ludi lu tuntumumusha masabu onso), (Galatiya 5 :8) udi wamba bualu ebu bua ku kankamisha bena Kilisto ba Galatiya bua kuakuilabu lumu luimpe lua ngasa ku tshinyangu tshia mayisha a mikenji. Bamue bayishi ba mu yelushalema, bavua bakengela ne bena Kilisto ba tengudibue, ne benzejibue bua kuteka bua mutshienzedi mikenji ne bienzedi biayo mi bapesha kudi mose.
Kadi Paulo wakadi muimanyine pa ne : Lupandu ludi ludi amu mu diatabuja diamu Kilisto Yesu (Galatiya 5:2-7).
Bikalaku mayisha masakidila aa adi manyishibue, avua anyanga lumu luimpe, ne dinyanguka edi diakadi ditangalaka mu Ekeleziya bu luevene ludi lutuntumuna musabu. Bivua bikengela kuimanyika diyisha adi. Paulo wakadibuinka bua kubunda Petelo patoke, ne bana babu bakuabo (Galatiya 2:10-21) Pa kufunda mukanda ewu wa didimuisha Ekeleziya ya mu Galatiya ne pa ku lumbuluila Ekeleziya wa mu Yelushalema ku diyisha edi, ntaku wa diyisha edi wa ka pengunuka. (Bienzedi 15) Bidi bipatuka patoke ne ku madikolela ende ne ku mikanda yende mifunda ne bua paulo, « diyisha dimpe dia ntaku », divua ne mushinga. Bua ba bungi mu matuku aa, luidi lumue luimpe ludi bu ludi lumueneka ne « Tudi bananye Yesu ne atshi tshidi tshitu tuadila disanka ». Dilonga dia diyi dia Nzambi didi dilomba diba (Tshoikondo) ne mudimu.
Bitupa bikuabo bidi bikole bua ku biuvua, ne biambilu bikuabo bidi mua kushala kabiyi biumvuika tu tudi mu bidimu bia bungi (Fipoyi 3:13-16) Bua kupeta malu mimpe a mu mukanda wa Nzambi bidi bikengela ne tutuishibue ne bible udi diyi dia Nzambi ; ne yeye Nzambi udi utuakuila mu mukanda wende ne udi ne bukokeshi bua moyo wetu (2 Timote 3 :15-16)
Mu Genese 11 Tudi tubala ne : Nzambi wakafuka miakulu ya bungi bua kukepesha duimvuangana pankatshi pa bena mudimu bakadi bibaka tshibumba tshia Babele.
Bualu ebu bua kimanyika mudimu wa kuibaka kua tshibumba tshiakadi tshibunda Nzambi. Lelu eu mikalu bua dimuangalaja dia malu didi dikepele bikole. Mikalu ya miakulu idi mikepele kupitshila ku bakudi munyi bimpe ba miakulu ; Matapuluka a ntendelelu ya buena Kilisto adi makepele, bidi mpidiewu bidimu 50, bidi biambuluisha ku diluishakaja dia ngenyi, kumpala, bivua bikengela bua kuubala ne ku wumvua, ne kubueja diyisha dipiadipia mu moyo webe. Kadi lelu, bamanyi ba biamua badi batuambuluisha mua kubala, kumvua ne kulonda lupepele lonso lua mayisha mu biamu bidi bi fuatulula bindidimbi, biamu bia kuakula mu kapepa.
Nshidimukilu eyi idi ikolesha moyo wetu wa buena Kilisto, kadi idi itu pepejela mua ku tangila diyisha diangata bipepele ne pa lukasa. Lelu ewu, mayisha a dishima bu mudi kuakula pa disama dia tshikankala (Covid-19), adi mua ku muangalaka mu buloba bujima mu mbingu mikese. (Pandémique). Kadi Nzambi atabuluije dijinga dietu dia ku lumbuluisha kupitshila ku diyi dia Nzambi. Mayisha atudi tulonda ku bisanji, bayishi ba diyi dia Nzambi ba mu mpuilu yetu ne bidi biambibua mu Ekeleziya yetu ne miaku idi yambibua mu misambu yetu itudi tuimba.
Mupostolo Yone wa kalomba babadi ba mikanda yende bua bele patoke ne ba benge mayisha a dishima (2 Yone 8-11). Bu mudi bapostolo aba ; Paulo ne Yone, bituikala basue kumanya diyisha dimpe dia ntaku, ne ku disambuluja kudi ndelanganyi yetu ilualua, tudi ne tshia kuditatshisha bua kuamba patoke ne kubenga mayisha a dishima adi ambibua mu matuku aa.
6. Yesu : « Imue misangu wewe ke udi ne tshilumbu » !
Patudi tuya mu bisalu bi longolola bimpe lelu, bua bamue bantu badi babanda bakuabo basumbi ba bintu ne badi mua kuikala ne disama ? Badi mua kuikala ne disama edi dia Tshikankala anyi ? Tudi tulonda bulongolodi budiku matuku aa ne tuenze mua ku shilangana ne bakuabu bantu metele abidi. Kadi nuenu nudiku muakuimana ne kudikonka ne nudi mua kuikala batuadi babii ba disama edi anyi ?
Mikenji ya Mose idi ne bulongolodi budi butuleja mua kuikala bakane mu diteka mu tshienzedi.
Kulenga kua tshitalu, tshilejelu, kua kadi « kubipisha » muena Isalele, ne ewu yonso uvua ulenga muntu anyi tshintu tshibipe uvua ulua biende mubipe. (Nomba 19).
Kowa kua mayi ku bianza, kusukula kua bilamba ne malonga kuvua ne mushinga mu kole. Kunyima kua bikondo, kowa kua mayi ku bianza kuakalua bu tshilele.
Bamue bayidi ba mikenji, bakadi babanda Yesu bualu bua bavua bamona bamue baku bayidi bende badia kabayi bowe mayi ku bianza (Mâko 7:3).
Yesu wakabumvuija ne : Tshidi tshilupuka munda mua muntu, ke tshidi tshimubipisha ; mu mitshima ya bantu mudi mulupuka menji mabi, tshiendenda, buibi, ne kutshipa kua bantu ne masandi ne lukuka lua buima ne malu mabi ne mashimi ne bulobo, ne disu dibi, ne bipendu, ne diambu, ne bupote, malu mabi aa onso adi a lupuka munda mua muntu, ngadi amu bipisha (Mâko 7:20-23), Bulelela tudi babikidibue bua kuikala ne budimu ku bienzeji bua malu mabi adi alua kudi bakuabo. « Malunda mabi adi anyanga malu makane a bantu » (1 Kolinto 15:33).
Bualu buetu bunene budi bu luila mu mutshima, ku mfukilu wetu wa mu bubi ; mutshima wetu udi mu pambuke. Tuetu nkayetu, ngelelu wetu wa menji, majinga etu, matshintshikila etu, bidi tshinkandi tshinene mu luendu luetu lua kulonda Yesu. Musangu mukuabu Yesu wakamba ne : « Biasua muntu ku ndonda, adipidie atuale mutshi wandi mu tshiamakane ku dituku ku dituku andonde » (Luka 9 :23)
Ndi mu dimanye ne ndilumbuluisha pa majinga anyi mabi ne adi ampishisha anyi ?
Mesu anyi adi atangila amu kukuabo. Bidi bipepele bua kujandula bilema ne bubi bua bakuabu. Tu tuadijile ku tudi tuetu, « diambedi umushe mutshi munene udi mi disu diebe diebe, nunku neumone bimpe mua kumusha kasosa kakese kadi mu disu dia muanenu. (Matayo 7:5). Bidi mua ku mueneka ne amu nuenu ke bena bualu, ki bakuabu to! Nsombelu wanyi udi mua kusaka bakuabo ne kuikala mu nsobelu mujalame anyi ? Luidi luanyi lua ku tangila mifundu ya tshijila, ludi lusaka bakuabo mua kunanga, kulonga ne ku tumikila diyi dia Nzambi anyi ?
7. Yone : « Nuikale bakane nulonde tshidi tshimpe ! »
Meme bu mukulumpe, mupostolo wa Yesu wa kafundila Gayo mukanda muipi umue wa ku balunda bandi bimpe. Gayo udi wa kubavua bangange ditu dia bana ba Nzambi ne wakadi unanukila muakidile Ekeleziya mu zubu wanyi, (Lomo 16:23). Kadi apa wakadi unue wa ku batendeledi ba Ekeleziya wa kaba kamue, mu Ekeleziya eu muakadi muntu muena diambu wakadi ubikidibua ne Diotelefe, uvua musue kuikala « ku mpala kuabu ». Mu kokeshiewu uvua wakula bibi bua Yona ne wipata mu Ekeleziya bakadi ba benga bu mfuu buandi (3 Yone 9-10).
Bivua bipepele bua Gayo alonde tshienzedi tshiandi tshibi. Mu matuku aa bisalu bimpe bilongolola bidi mu lubilu lubilu, mu bia kudia bia tshibidilu ne mabeji a mankenda, kudi difudija dia kafuila kafuila dia bintu bia ku pangisha bua kukengesha ba kuabo.
Bidi bipepele kabidi buetu tuetu bena Kilisto kulonda bietu tshienezedi etshi tshibi. Kadi Gayo wa katua nkanana ku diteta edi ne yeye wa kashala muimanetshishiki ne tshisumi, ne unanga ne ukuatshishaba kuabu, bana babu ba balume ne ba bakaji ne biuma biandi. (3 Yone 5)
Tudu mua ku muna dipanga mu nkatshi muetu, kadi ka tuyi tudi tebelela bua ngikadilu mibi ei mi tunyunguluke bune idi ijaki nsombelu wetu wa buena Kilisto to.
Dibikidibua dietu ne didifila bidi ne bua kuikala biakane : kulonda Yesu, kuikala ne moyo buende Yeye ! Mubelu wa mupostolo Yona kudi Gayo, udi kabidi buetu tuetu : « Munangibue, bualu budi bubi anyi budi buimpe, muntu udi wenza bimpe udi wa Nzambi, muntu wenza bibi kena muanji ku muna Nzambi » (3 Yone 11). Mesu etu kaayi kutangila malu mabi anyi ku bilejelu bibi kadi atangila kudi Yesu !
Bu muakadi Gayo muenze tu tungunuk'ayi ne kuenza bimpe ! Ngikadilu wa dikamaka ne dikima bia Yonatana, ne lufu lua koliata kudi Davidi bia ka kankamika tshiluilu tshionso tshia bena Iselele (1 Samuele 14 :14)
Bena kuitabuja ba mu Ekeleziya wa ku tesalonike ba kalua diambedi bidikishi ba Paulo, Sila ne Timote, pashishe bakalua « tshilejelu kudi bena kuitabuja bonso ba mu Makedoniya ne ba mu Akaya » (1 Tesalonike 1 :6-7)
Nuenu ne meme kabidi ne Ekeleziya wetu wa kaba kamue, tudi mua tuikala ba ngatshibue ku mudimu kudi Nzambi bua ku kankamika ne ku kolesha bakuabo. Nunku ngikadilu mimpe eyi, idi mua ku muangalaka kabidi kudi bakuabu !
Nkomenu : Nudi nuelangana menji munyi bua disama dia tshikankala ?
Nudi bakuatshike bowa ne ba bungame anyi ?
Nudi nuelangana menji munyi bua nshitrulukilu wa nsobelu mulenga ne difulangana dia mayisha a ntaku mu nkatshi muetu ne mu nyunguluilu wetu ?
Kanupu moyo ne Nzambi wetu udi pa mutu pa bionso. Nshidimukilu nansha umue kena ukemesha Nzambi.
Eyo tudi ba bikidibue bua kunyingalala bua bidi yetu, bua ku shintuluka, bua kuikala ba dimuke anyi bua kuangata amue ma panagadika nansha bikala njiwu idi mua ku tu bunda, nunku moyo wetu udi mu bianza bia Nzambi wetu : « Pa wa pitshila mu mayi ne ngikale nebe » (Yeshayi 43:2)
Bua kudi Ekeleziya ka nuyi kupua moyi ne mbulongolodi buandi. Ekeleziya wikale Kilisto utungunuka ne kuibaka. (Matayo 6:18). Ne mwikalaye utebelela ne alue « wa tshijila ne kayi mu pishibue » (Efeso 5:27)
Bua kujikija, fulukayi meyi a mu profete Hagayi kudi bena Iselele, a kaba fikishishia ku diangata dia dipanganyika dinene : « Koleshayi mitshima yenu nuenu bantu bons oba mu buloba ebu, mmudi muamba wa tshiendelele, ne kuatayi mudimu ; bualu bua ndi nenu, Yepowa wa misumba udi wampa ne meme ndi nenu…
Nyuma wanyi ne ikale mu nkatshi muenu » (Hagayi 2:3-5)
Philp Nunn, Eindhover, Pays-Bas, Mars 2020, Source www philpnunn.com
Bi kudimuna mu Tshiluba kudi Bana benu aba : Avril 2020 /Kananga
-Sylvain JIBIKILAYI ;
-Jean MUKONGO ; -Alphonse MUTEBA
145, Avenue du commerce, quartier Tshinsambi, commune de Kananga (Kasaï-Central, RD Congo)
Notre Site Web copyright© cers. Tous droit réservés.