33ème COMMUNAUTE EVANGELIQUE REGION SANKURU

33ème C.E.R.S

B.P. 1673 KANANGA

"Sur ce roc je bâtirai mon assemblée,..." Matthieu 16v18

Les éléments de menu en rouge contiennent des informations récemment mises à jour.

Balale Tulu mu Yesu

Bualu bua bantu badi balala tulu mu Yesu

Bana betu, katuena basue nuenu nupange kumanya bualu bua badi balala tulu mu lufu, bua nuenu kanunyingalaji mitshima yenu, bu mudi bakuabo benza badi kabayi ne ditekemena. Bualu bua bituitabuja ne Yesu wakafua, ne wakabika ku lufu kabidi, muomumue Nzambi nealue ne bantu aba nende kabidi bakalala tulu mu lufu bualu bua Yesu ... bualu bua Mukelenge muine neapueke mu diulu wela diyi dikole, ne diyi dia muanjelo mutambe bakuabo bunene, ne diyi dia mpungi wa Nzambi; ne bantu bafue mu Kilisto nebabike diambedi; ne pashishe tuetu batshidi ne muoyo badibo bashiya netuangatshibue nabo popamue mu matutu, bua kusangila ne Mukelenge mu lupepele; nunku netuikale ne Mukelenge tshiendelele. Bua mianda eyi nusambangane ne meyi aa. (1 Tesalonike 4:13-18)

Bena Kilisto nebafuanangane ne Mfumu wabo

Muntu wa kumudilu (Adama) udi mufukibue ne dinfuenkenya dia buloba; muntu muibidi (Kilisto) udi muntu wa mu diulu. Bu mudi wakafukibua ne dinfuenkenya, nunku kabidi mudi bobo badi bafukibua ne dinfuenkenya; ne bu mudi wa mu diulu, nunku kabidi mudi bobo badi ba mu diulu. Bu mutuakatuala tshifuanyikiji tshia wakafukibua ne dinfuenkenya, netutuale kabidi tshifuanyikiji tshia wa mu diulu. Monayi ... buonso buetu katuena tulala tulu mu lufu, kadi buonso buetu netuandamuke, mu diba dikese, mu kuvinya kua disu, pelabo mpungi wa kunshikidilu; bualu bua nebele mpungi ne bantu bafue nebabike ne mibidi idi kayi mibole, ne tuetu netuandamuke. Bualu bua mubidi ewu mubole udi ne bualu bua kuluata udi kawi mubole, ne mubidi ewu udi ufua udi ne bualu bua kuluata udi kawi ufua tshiendelele. (1 Kolinto 15:47-49, 51-53)

Bena Kilisto badi « benyi ne bena luendu pa buloba ebu »

Katataka badi bajinga muaba mutambe buimpe udi muaba mene wa mu diulu; nunku Nzambi kena ufua bundu bua bualu buabo bua kumubikilabo Nzambi wabo, bualu bua wakabalongoluela musoko. (Ebelu 11:13,16)

Nunku katuena tupanga; kadi bikala mibidi yetu ifuafua ifuafua, mioyo yetu idi ivuijibua mipia-mipia ku dituku ku dituku. Tudi bamanye ne, Bikala nzubu wa pa buloba wa mubidi wetu mupuke, tudi ne nzubu mufume kudi Nzambi, nzubu udi kayi muasa ne bianza, udi mu diulu tshiendelele. Nunku bualu bua tudi ne dikima misangu yonso ne bualu bua tudi bamanye ne, Patuikala kunu mu mubidi, katuena tuikala kua Mukelenge ... bua malu aa tudi ne dikima, mundi ngamba, ne tudi tutamba kusua kumuka ku mubidi bua kuikala kua Mukelenge. (2 Kolinto 4:16. 5:1,6-8)

Kuikala ne Kilisto; bua bualu ebu budi butamba buimpe. (Filipoi 1:23)

Nzambi muine neikale nabo, neikale Nzambi wabo. Yeye neakupule tshinsonshi tshionso ku mesu kuabo; ne lufu kaluena luikalaku kabidi; madilu kaena ikalaku kabidi, nansha muadi, nansha kanyinganyinga kabidi; malu a kumudilu akumuka. (Buakabuluibua 21:3,4)

Katataka Kilisto wakumana kubishibua ku bafue, bu mamuma a kukuama diambedi a bantu bakulala tulu mu lufu. Bualu bua lufu luakalua bualu bua muntu (bua Adama), nunku dibika dia bantu bafue diakalua bua muntu kabidi (bua Kilisto). (1 Kolinto 15:20,21)

Mukelenge Yesu Kilisto wakamba ne, Meme ndi bianyi dibisha, ndi bianyi muoyo; udi ungitabuja, nansha biafueye, neikale ne muoyo kabidi; muntu yonso udi ne muoyo, udi ungitabuja, kena ufua tshiendelele. (Yone 11:25)

Lufu lua bansanto bende ludi lua mushinga mukole ku mesu kua Yehowa. (Musambu 116:15)

Yehowa udi Mulami wanyi, tshiena nkengela tshintu ... nansha bingenda mupitshile mu lupongo lua mundidimbi wa lufu, tshiena ntshina bualu bubi; bualu bua wewe udi nanyi; tshibongo tshiebe ne tshibangu tshiebe bidi binsamba. Bulelela, buimpe ne luse nebindonde matuku onso a muoyo wanyi; nengikale mu nzubu wa Yehowa tshiendelele. (Musambu 23:1,4,6)

Bualu bua Nzambi kakatusungula bua kututekela tshiji, kadi bua tuetu kupeta lupandu bualu bua Mukelenge wetu Yesu Kilisto, wakatufuila, bua tuetu, nansha batabale nansha balale tulu, tuikale ne muoyo popamue nende. Nunku nusambangane, nudiundishangane muntu ne muntu, bu munudi nuenza kabidi. (1 Tesalonike 5:9-11)

145, Avenue du commerce, quartier Tshinsambi, commune de Kananga (Kasaï-Central, RD Congo)

Notre Site Web copyright© cers. Tous droit réservés.