Ku mwifwaana

22 Juillet 2021

Kafilefile kadimukye bikishekishe ku lupese lwa kwituyisha kula na kikyebe ky’Eshiba dy’Efile-Mukulu kwi bana baye. Suunga byabya tena kyadya kukita sukimune bwa kwitwata kipandjilo kyetu, mwanda Fumu nabeene bakwile’shi : « n’ami neyipa muwa wa yikalayika, tayanafwe nya ; na muntu te bya kwiyinyenga mu eyasa dyande. Shaami beyimpeele, mukile bintu byoso bukata, na takwi muntu ebyakwiyinyenga mu eyasa dya Shaami nya ». (Yoano 10 :28-29). Anka, kafilefile akakitshi byoso bii ku bukome bw’aye bwa’shi efwanika dyetu mwi Kilisto tadimwenekanga mu muwa wetu bu bana b’eyendo b’Efile-Mukulu.

Bu kileshesho, Kilisto mwitwikashe « ba tshite mwakwidi mwanda w’Efile-Mukulu aye na Yaya (Kileseso 1:6). Anka bebungu bena kukumiina beyebdo abende ku Kakongye mu dya lubingo bwa kupusha mukandu, kushi kulanggwila Efile-Mukulu Umune eyendo. Kutala namu, Yaya akimbi balangwidi b’Eyendo « Abamulangwila, mu Kikudi na mu eyendo » (Yoano 4 :23). Tatwibalombene kwilwakana kwilekeena kwa kulangwila na kwibunga kwa kukankamika mu kulangwila, atulangwila Efile-Mukulu eetu na Mwana aye Fumu Yesu Kilisto. N’aye ebu kina mwanda kya Kulangwila kwetu, twina meesa a Fumu, atulungula « lufu lwa Fumu mpaa na pakafiki » 1 Bena Kolente 11 :23 ». Atulubula kwi Efile-Mukulu Yaya buselele bwa mwana’aye, kukookyela kwaye mpaa na ku lufu lwa ku nkuluse. (Bena Fidipi 2 :8). Atutumbisha tumbo yaaye, bukata, na buwa bwa’ye, mwanda abakula bwaye’shi : « we mukile buwa kukila bana ba bantu, buntu bu palakaswe ku milomo yobe ». Loono 45 :2) Mukukumiina kwaye baadi mupaane muwa waye, Na kwakula’shi : « Ta kwi muntu sungumune ewumana nya, anka ami, newutuusha ami nabaeene ; nena matalwa a kwiwatuula : Nampetile dino ekoma kwi Shaami. (Yoano 10 :18) N’aye lutete lwa bule , palupono mu senga ; su lubafu, alupa bikuba bibungi (Yoano 12 :24) « mwanda mwadi ngi mushaleele kulombanyinina kwa bu’Efile-Mukulu booso ku mbidi, n’anwe nwi bapwidikye mwadi » Bena Kolose 2 :9-10.

Misusa ingi tatwibamwifwane mu myuwa yetu wa nteko ! Baadi penda kumpala kwaye na ntumbo ya Shaaye, byabya misusa ibungi twi bepaane penda kwatudi atwe banabeene mu nteko yetu. A saa kini yodi nusasakate ? Ku lupese wa Kilisto, bakule bwaye’shi « Kifulo kya shibo yobe kibangaata » Yoano 2 :17. Atwe be bu baye, twi bepaane na kishima pa mwanda wa mifubo yi buwa (Tite 2:14). Twibefwaane « Mukata na Fumwetu umune, Yesu Kilisto su » Yunda 4 ? Atwe booso twina kitugo kya kwisha mitwe na kushingula’shi tabika byabya misusa yoso nya ? Oolo ! Atupele kukita milwisho ikile bukata, anka bikwikuni ku lupese lwetu pa bitale kukimba kwisankisha atwe banabeene ? Lwabi na bya pa senga ? suunga kwilekeena nabyo ? Mashibo etu ingi misusa « Ngebakwe kalolo », anka nshibo y’Efile-Mukulu ngilwile (Agayi 1:4). Tatukanyanga : « Bwakini mayilu alame makumbi kunundu » (Agayi 1:10). « Kaminayi ku mwengye na fwishayi mitshi, na twibakye shibo ; na nakekala na kusepela, nakekala mutumbishibwe ; nyi abyakula Ayikalayika » Agayi 1:8. Twibakumiine misusa ibungi kutemuna luno lukankamiko lwa mukwetu Henry Rossier : « Mufubo w’Efile-Mukulu kukumbasha bifubwanga abitala ku shibo yaye ».

Atuwuku’shi twibabofule, na’shi mbidi ikwatudi, anka buntu bw’Efile-Mukulu na bukome bwa Kikudi, « kutala atwe booso, p’atubandjila patooka ntumbo ya Fumu, twibaluulwe mu efwanika dimune, dya ntumbo mu ntumbo, bu kwi Fumu mu Kikudi » (2 Bena Kolente 3:18) Anka byabya tubekashwa na bukokyeshi bwa kumwifwana pamune ».

Bantu namu abetutundula namu’shi twibekale na Fumu su ? (Bikitshino 4:13) Twi beeyi ba yawa bakwile shi : « semunayi mushiyo wande, nuyiye kwandji, mwanda wandji na kwiyisha na kupopeela kwishimba ; n’anwe anukapete kwikisha kwa bikudi byenu » (Mateo 11:29). Bikuni namu ku lwetu lupese ? Atwe namu twina lukalo lwa kuyiya kwadi ; suunga kumwifwana su ?

Buntu bwa Fumu bulombane, bwitwikashe saa yooso bamwifwane, nyi luteko lwetu, na atwiwuku kalolo lukalo lwaye lukata.

Mukwenu mu Fumu,

Lionel

Byaluulwe mu Kisongye kwi mukwetu : Arthur ASSANI, mu Kabinda, mweshi wa musambobidi kipwa kya 2026.

PS : Mu kino kina mwanda kimune, Talaayi dingi : Mu efwanika dya Kilisto