Ncila a Moyo

Fumu Yiso amatoya ene : Meme ndi obo a loboko; You ungwalanda kanakwenda ku mwedima, Kate unakala yi obo a môyo. (Yoano 8:12)

Meme ndi kalama kanengela. Kalama kanengela ndo kamaladikila mikwakwa môyo wanci; Mikwakwa yamene ndo yombombwa diyi diamene yi meme nguyalubukwa, Yingwalandudila. Meme lolo nguyipapa môyo wa kô kô; yi kayina ncimina nyo. (Yoano 10:11,27,28)

Meme ndi kwombuluka kwa bafu yi meme ndi môyo; You amangwetabuxila meme, isanga uxefwa unakala yi môyo; yi muntu mwoso utani yi môyo yi amangwetabuxila meme kanafwa pô. Meme ndi ncila, yi sôsôlwo, yi môyo. (Yoano 11:25, 26. 14:6)

Nubwele mu mbelo mubende, bwalo budi mbelo munene yi ncila udi a lumbo a kuya ku lufu, yi bantu badi bangi babwela momu. Bwalo budi mbelo mubende yi ncila udi nci a kuya ku môyo, Yi bantu badi babende bamwasangana. (Mateyo 7 :13,14)

Ncila udiko udi loko ku meso a muntu, Mo kusula kwanci kudi ncila ya lufu. (Miele 14 :12)

Dipulwa dinakusula mwosambo wanci yi kai? Pa kudingila mwaputôya diyi diebe. Namasokoka diyi diebe mu mucima wamene,bintaxekwona ku mpala ebe. (Misambo 119:9,11)

Diyi diebe didi mwinda ku makasa amene, Yi obo ku ncila amene. (Misambo 119:105)

Ungwombwese bonkangi bwebe ku lobango, Bwalo bunamakwetabuxila owe; Ungulubukise ncila unxekwenda momu, Bwalo bungwasangola mucima wamene kudi. (Musambo 143:8)

Ungweyese mwa kwenca nyinga yebe; Bwalo budi owe Ncembe amene, Mwoxixi webe wanguxiye xiye mu mbata a nkwami (Misambo143:10)

Yeoba udi kalama kamene, kinasaka. Ungwaladisa mu bilo bia maxinde; Ungwaxiya xiya padi mai a polo. Amasubisa mucima wamene ; Ungwaxiya xiya mu ncila ya nkwami ku mucwe wa dina dianci. Ya, isanga ngwendenda mu kibetebete kia mudiadingi wa lufu, Kinacina bubi bwoso ; bwalo budi owe yinami ; Kanonge kyebe yi mulangala webe ndo bingwabonda bonda. Ungwalungikila mesa ku mpala kwa bantu bamatanda yinami; Mpamba amene amapulowa. Kunengela kunangulanda yi bonkangi sôsôlwo matuku moso a môyo wamene; Yi nakwakala mu ncibo a Yeoba kulwedi lwa matuku moso. (Musambo 23:1-6)

Traduit par Thomas SAMBI