33ème COMMUNAUTE EVANGELIQUE REGION SANKURU

33ème C.E.R.S

B.P. 1673 KANANGA

"Sur ce roc je bâtirai mon assemblée,..." Matthieu 16v18

Les éléments de menu en rouge contiennent des informations récemment mises à jour.

Etambene Eyadi Wina Bonda Yika

Isho Telengana La Yika

Bonkanda bona Nkumundjeyi botosangela mbo: « Isho bauma tolungusana shenda benkoko, toletela bonto na mboka enandi, bonto na mboka enandi ». (Isaya 53:6)

« Isho baumela toyala shena emba ena mindu, la bolotshi bondiso boyala shenda etoo ephotama bokoki. Isho baumela tokadwa shenda lonkashi, la bembe bendiso betotodya nga lompompo ». (Isaya 64:6)

« Lako bonto boyadi la bolotshi, lako nkula bophoko. Lako bonto bondokophola baoi, lako bonto bondasa Nkumundjeyi. lyo baumela baolungusana, baoyala o mpampa. Lako bomodi nd'atei andiyo oyadi dikelaka baoi band'olotshi, lako nkula bophoko ». (Romo 3:10-12)

« Djoi inda banto baumela akelaki baoi ban'embe, baphiyedi la ditombya dina Nkumundjeyi ». (Romo 5:8)

« Ko nkula bonto bokayalomi motshi inkumela la ditshweya lomo lonanadi menge, waphwa bonandi boleko? Emba enkona ekoka bonto yengola la lomo lonandi no » ? (Mako 8:36)

Mboka Enda Yika

« Nkumundjeyi aototshumya lolango lonandi ed'isho shene mbo; Akiso bakedi ban'embe, Kilisto otowelaki ». (Romo 5:8)

« Diyadi l'emi dikela sheleko inda yika? ... Imedyaka Nkumu Yeso Kilisto, ko we okika ». (Bekeledi 16:30-31)

« Ko yika ephako ele bonto bonkina, djoi inda lako dina dinkina n'ase anda loola diyadi banto ditangolaka, dindeya ditikya ». (Bekeledi 4:12)

« Yeso ondosangelaki mbo: Emi ndjadi mboka la soosolo la lomo; bonto bopheye diyaka el'Apha lako nde m'ele emi ». (Yoani 14:6)

« Soosolo, soosolo, nsholosangela mbo, bonimedya ole la lomo londa diiyo ». (Yoani 6:47)

« Nkina twishola bembe bendiso, andi la dikotomedya la elongama inda ditophophedya bembe bendiso la ditokya ma bembe beumela ». (1 Yoani 1:9)

Etambene Eyadi Wina Bonda Yika

« Lasaka Ayadiako nda etamba endeyinyo yotana; letakandi eyadi andi ntutama. Bonto bon'ombe imaki ma mboka enandi, la bonto ombosangya dikela bombe, alesi nkanedya inandi; utaki ele Ayadiako l'andi aokookesela, la ele Ndjambe endiso ko andi aokolekola yophophedya baoi baumela ». (Isaya 55:6,7)

« Nkumundjeyi aolimola baisho ma iyayayi in'anto banda bets ho besoko; aye etambene andi aosangela banto bauma nda ditetenyi diuma mbo, Lokalanganyaka betema beninyo. Djoi in'andi osonaki wina bokotenolalomi andi baoi band'asi motshi la iyedi inda dilongama nd'akata ban'onto bokiandi asonaka, l'andi aolishola soosolo enda djoi diko akiandi wetolakandi ma bewedi ». (Bekeledi 17:30-31)

« Win'one, nkina lomboka lolaka lonandi, lotokembyaki betema beninyo ». (Ebelu 4:7)

« Lokodyaka, etambene eyadi ekeki end'olotshi; lophalaka etambene eyadi wina bonda yika ». (2 Koreto 6:2)

Nkina Tophimedye Yika Ene Tokuta Disukama Sheleko?

« Boloko onda sh'eki djoi diki bandjelo asangaka akembyamaka, la bophedya boumela la lonkala loumela atshinanyamaki nda iyedi iyokoka, sheleko ekosukamalomisho nkina isho tokembola yika ene en'enene » ? (Ebelu 2:2-3)

« Nkumu Yeso otephelaki shene mbo: Lophalaka, lephwaka bonkita bonda djomba diuma; la boloko onda lomo lon'onto lophokoki nda eusa enda djomba dikatandi. Ko andi ondatelaki nshawu ayandi; Disala inda bokutshu bomodi ditshweki mamo phala. Ko andi okanedyaki mpima nda botema bonandi mbo; Nkelalomi sheleko? djoi inda mpokatshi djowa inda yumba djomba dinami dikimi amukaka. Ko andi osangaki ayandi; Ndokokela shene; ndokotshangola tolombe tonami, ndokoshumya tonkina tolekola enene. Ko ndokumba djomba dinami diuma nkoko. Ko ndokosangela botema bonami mbo, Botema, w'okatshi djomba inda phala dikiwe wumbaka inda dikeki eusa. Utshaka, lekaka, melaka, salanganaka. Aye Nkumundjeyi ondosangelaki ayandi; w'end'iyetetshi! Baokasa lomo londawe nda botsho bonda win'one. Ko djomba dikiwe aphongaka diokoyala dina no? Bonto bondoyaphongelaka djomba, bophoyadi la diyonga ele Nkumundjeyi ayadi nko shiko ». (Luka 12:15-21)

Boshadu Bonda Yika

« Sheko umbelo enda boloko ephaka ele baiko bale nda Kilisto Yeso ». (Romo 8:1)

« Nkumu Yeso osangaki ayandi, Baumela baki Apha ankaaka baokoyaka el'emi; ko emi mpongudwa bonto ondoyaka el'emi ». (Yoani 6:37)

« Benkoko benami yokaka lolaka lonami, la emi yeyakeko la beko beyadi dindjelaka: la emi yakaaka lomo londa diiyo, ko iyo baophongophitana botshwako. Lako onto ondeya yaphonola ma dikata dinami. Apha ondokaakeko aolekola baumela, ko lako onto ondoyadi la mpamba enda yaphonola ma dikata dinda Apha ». (Yoani 10:27-29)

« Loshashalaka djoi inda baina baninyo baokotama nda loola ». (Luka 10:20)

« Emi ndjadi iyani ina motshi; bonto okondjela aphongokenda nda widima, ko aokoyala la iyani inda lomo ». (Yoani 8:12)

« Emi nsholotshikela wee; nsholokaya wee onami; mpolokayoko shene ekaya basi motshi. Lokela betema beninyo betodialendaki, betokaki bophodu ». (Yoani 14:27)

145, Avenue du commerce, quartier Tshinsambi, commune de Kananga (Kasaï-Central, RD Congo)

Notre Site Web copyright© cers. Tous droit réservés.